KannerYoga ënnerscheed sech vum Erwuesseneyoga virun allem dorunner, datt d’Kanner op eng spilleresch a phantasievoll Manéier ouni Drock a Wertung, Yoga erliewen.
D’Asanas (Kierperstellungen) hun Nimm mat denen d’Kand direkt a Relatioun goë kann wéi z.Bsp. ze stoën wéi e Bam, d’Flilléken beweegen wéi e Päiperléck, e Bockel machen wéi eng Kaz,…
« Kinder machen kein Yoga, sie sind Yoga» (Thomas Bannenberg)
D’Yogastonnen hun all e festen Opbau mat verschiddenen Ritualer, wat dem Kand zousätzlech Sécherheet vermëttelt.
Firwat KannerYoga?
Yoga as e wonnerbaren Ausgläich zum leeschtungsorientéierten Alldag an der Schoul an erméiglecht ët Kierper, Geescht a Séil an Harmonie ze bréngen.
Doduerch kënnen d’Kanner :
– sech besser konzentréieren
– Freed un der Beweegung entwéckelen
– hier Motorik an Haltung verbesseren
– sech besser koordinéieren
– ee bewosst Kierpergefill opbauen
– hiert Selbstwertgefill an Selbstvertauen steigeren
– hiert Immunsystem stäerken
– hier Sënner sensibiliséieren
– …